سلام انا فتاة كنبلغ من عمري ٢٠ سنة ملي كانت فعمري ٦ سنوات تعرضت لإغتـ..ـصاب من طرف ذئب من العائلة كانت الظروف ديالنا خايبة بابا كان جاه السيزي أُجاتو فرصة باش يخرج من المغرب هو ستغل فرصة ان بابا مكينش أُغتاصـ..ـبني عدة مرات تحت التهديد بالسكين ١ لمرة قررت نعاود لماما انا فهداك لوقت مكنت كنعرف اش كيدرلي من غير لخلعة ديال لموس ملي قلت هاتشي لماما بقات كتويل أُداتني نيشان لطبيب قالها بلي مزالة بنت أُعودات داتني لْ ٢ اطباء أُكلهم اكدوا انني باق بنت هديك لأيام فُقما ندور لقاها تتبكي ملي تنمشي عندها تتجري عليا أُقاتلي قد ما كبرتي اتبقاي تفكري هادشي لي درتي أُكان عندها صح عافاكم قولولي واش أنا غلطت أُ حتى لموضوع ديل لعـ..ـذرية وليت تنشك فيه تنقول مع راسي يكما غير كدبو عليا انا مرضت نفسانيا بزاف شنو ندير الهدرة ديال ماما باقا فودني ماقادراش نساها الله يجازيكوم بلخير
انا امرأة متزوجة مدة اربع سنوات عند وليد فعمر عمين مشكلتي مع رجلي . رجلي إنسان ديم سكت و ممسوقليش و مش رمنسي منن كيدخل الدار وهو جلس على الحاسوب كيخدم وام كيقرة منين كيعيا كيدر فلم و كيبق يتفرج حتى ينعس . انا عييت منذر فلحلل معاه والو مكيتبدلش حياة ولات باردة وبديت كنحس بالكتئاب وبدت كنتفكر الانسان لكنت معاه قبل من تزوج رجلي وهدش كيزيد يعدبن ، ولمشكل رجلي فاش كيتعصب مكيبقش سكت و ظريف كيولي وحش و يقدر يضربني ، هو ظريف وكيدرل بعد المرات خطري ولكن لكنكره فيه هو داك سكت لي ديم سكت و دك الكلام الحلو لكيقل حتى كيبغ ينعس معيا . سمحلي الى طولت علكم الله يجزكم متبخلش علي بلحلول
سلام انا بنت في عمري 22 سنة قريت معا واحد ادري في الباك في 2008 و هوا لي قترح علييا نجي نكمل قرايتي انا و ياه في فرسا موهيم حنا دابا في سنة 4 و بقيلينا عام و نساليو ، زعما مانخبيش عليكوم داري لايعمرها دار ماكيمي ماكيشرب داري ماتفلسش فاش بعد علا واليديه ، و انا كادالك دارية داخلا سوق راسي بغيت عافاكوم تجاوبوني بصراحة و تعتيوني رايكوم ،دابا هاد داري عمرو مالمح ليا ولا هدرليا علا زواج ولاكين انا كنحس بلا باغيني لمعقول معا لعلم حنا غي اصدقاء في القسم و حتا علا برا ماكنتفرقوش كييف لخوت ، بحال مثلا ا نا ضحوكية معا دراري فاش كنهدر معاهوم كانحس بيه معجبووش لحال في وجهو كاتبان ولا مثلا صونا تيليفون كيبغي يشوف شكون زعما ياكما درت شي صاحب هنا، واخا راه ماكيبينش مهيم ، ولاكين ديما كيتأكد بلا ماكين والو دابا كيندير نعرف بلا بغيني في الحلال و لا غي كيدير هكا حيت كايخاف عليا حتا انا بيني و بينكوم مكرهتش نكمل معاه حياتي معا العلم انا ماكنبغيهش يحني حب حب ولاكين غي حيت مفاهمين و هووا كدالك حسبني بحال ختو حيت هادي 6 سنين باش كنعفو بعذياتنا ، عتيوني رايكوم واش نصبر تانكملو قرايتنا حيت باقيلينا عام و نشوف ولا نلمحليه مثلا ولا شني ندير معا لعلم صاحبو تزوج ب فرانسوييا و قالها ل واليدديه و انا لمحتليه بأن هووا راجل حتا واجه عإلتو بلموضوع و هووا مشا قالها لماماه علا هاد داري و نادت هيا لمحتليه زعما لاتكون شي وحدة بنت ناس في بالو و هووا جاوبها واش بغيتي تقلقليني الواليدة هههه و جا قالهالي و انا قوتليه مافيها والو إلا دبرات ليك ماماك شي بنت ناس تاديها فاش تكمل قرايتك و هووا حسيت ماعجبوش لحال و قالي انا لي ندبر علا راسي هههه و صافي ولاكين درت راسي مفهمت والو موهيم هادشي ليكاين واش نزعم بشي تصرف نديرو وخا راه مانقدرش نفاتحو في لموضوع ولا نتسانا حتا نساليو قرايتنا ولا أشنو ندييير عتيوني رايكوم
سلام عندي واحد المشكل بغيتكم تعاونوني فيه : انا بنت عندها 18 ضحك عليا واحد الدري و انا تال دبا معرفاش واش بقا بنت ولا لا حيت مخرج مني لا دم لا والو المهم ذازت عام على هاد القصة وتا واحد عارفها من بعد فحالا تصدمت فحياتي تتعرفت على واحد السيد فعمرو 40 وخدمتو عادية وتعرفنا عن طريق الهاتف وهو اصلو من العاصمة ولكن كان خذام فالصحراء وتعارفنا تنهذرو لمذة 10أشهر و نهار أي نتاقل للعاصمة جا ذاك النهار مع العيذ الميلاد ديالي وأنا اصلنا معاودا ليه اشوقع ليا و نهار تلاقاني حصل بناتنا جماع و تيقتو وضيعت وقتي معاه علاين عام ومن ذاك نهار وهو طافي الهاتف ذيالو مع لعلم انا مبغيت منو لا فلوس لا والو مع كداول دابا الفكرة ديال البنت تصاحب مع راجل كبير على الفلوس انا بغيتو غير هو كشخص مرضت بكيت ولحد الآن باقي طافيه مع العلم ان ديك النمرة ديال الخذمة والله معرفت اش نذير كنصلي وتانذعي الله غير ماتكونش واقعا ليه شي حاجة
سلام عليكم بدون ذكر الاسم عفاك انا سيدة سن ديالي 28سنة مزوجة هادي 4 سنين المشكل لي عندي هو صعوبة في الحمل عملت كل الاختبارات اللازمة زوج ديالي مزيان انا عندي مشكل في الاباضة وزايدة بالمشكل ديال لحموضة في مخاط عنق الرحم 5على حساب اختبار هيونر و الحيوانات المنوية مكتحكشي مكتقدش توصل للبويضة المهم قالي ددكتورمكاينش الحل من غير لتخصيب الاصطناعي درتو جوج مرات ومنجاحليش الاباضة تقادات مع ابر بورجون استجبت مزيان انا دابا المورال 0ومبقيتش عارفة والو باش نحمل ولعندي فحال شي حلم خايفة عمرو يتحقق وليت نشوف شي وحدة حاملة كنبكي وقلبي كيتقطع خصوصا مؤخرا حيت كنت بانية كل امالي علي داك التخصيب من بعدالله انا دابا واقفة كنرتاح جسديا ونفسيا سمحولي اذا طولت ليدازت من هادشي تفيدني عافاكوم
